Bisch debii?

Du häsch drei verschiedeni Möglichkeite:

  1. Am eifachschte Du chonsch am Mändig Obe zwüsche viertel vor achti und nüni unverbindlich bi eus im alte Singsaal (Turnhalle 4) cho ineluege.

  2. Du chasch Dich telefonisch met em Dirigent, de Vorsitzende vo de Jugendmusig Seon oder met em Präsident vo de Musikgesellschaft Seon in Verbindig setze.

  3. Du chasch Dich per Mail met em Dirigent, de Vorsitzende vo de Jugendmusig Seon oder met em Präsident vo de Musikgesellschaft Seon in Verbindig setze. Du erhaltisch denn wiiteri Uskünft.

D'Jugendmusig Seon

Hallo! Mir sind d'Jugendmusig vo Seon und händ total de Plausch am sälber Musig mache. Mir sind en lässigi Gruppe vo ca. 20 Lüüt und spiele all es Holz- oder Blech-Instrument. Euse Dirigent versuecht denn es organisierts Zämespiel uf d'Bei z'stelle - bis am Konzert tönt da amigs super guet!

Bi eus esch jede wo es Holz- oder Blechinstrument spielt härzlich willkomme. Vorussetzig isch es eignigs Instrument und mindeschtens zwöi Johr Instrumentalunterricht. Ebefalls chan mer bi Interässe zuesätzlichi Kurs bsueche.
Am beschte wärs, Du chunsch vo Seon und bisch zwüsche 10 und 15 Johr alt. Denn muesch nume no am Fritig Obe vom sibni bis am achti Ziit ha und scho bisch debii! I de Schuelferie macht au d'Jugendmusig Ferien.

Mir sind i de Musikgesellschaft Seon unterstellt. Sie sorgt defür, dass es eus guet got und stellt alles Nötige zur Verfüegig. Einzig s'Instrument isch Sach vo jedem Mitglied.

Dass mir ned vergäbe jedi Wuche einisch zäme üebe, dörfe mer züme mit de Musikgesellschaft am Johreskonzert und am Konzert i de Chile euses Können zum Beschte geh. Zwüschedure möche mer sälber no en Uftritt, je nach Ziit, Luscht und Lune.


Also, mer freue eus uf Dich! Bis bald...

D'Jugendmusig Seon


Seitenanfang Letztes Update: 14.02.2016 – © 2000 - 2017 Musikgesellschaft Seon Diese Seite drucken.